Goormeen keeni karaa Qoyskeyga Austria?

Waxaa lagu siiyay sharciga magangalyada Austria?

Hadda waad keeni kartaa qoyskaaga. Qoyskaaga waa inuu hadda aadaa safaarad Austria leedahay. Qoyska waa inuu sida ugu dhaqsaha badan u tagaa. Laga bilaabo maalinta lagu siiyay oggolaanshaha magangalyada, qoyskaagu wuxuu haystaa ugu badnaan 3 bilood. Intaas gudaheeda waa inuu qoyskaagu safaaradda kaga xareeyaa dacwadda mideynta qoysaska.

Saddexdaas bilood oo keliya ayay fududahay in la xareeyo dacwadda; haddii ay dhaafto 3 bilood way adkaanaysaa dacwaddu.

Qoyska kuma tagi karo safaaradda 3 bilood gudahood? Haddaba codsiga mideynta qoysaska waxaa loogu diri karaa safaaradda boosto ama e-mayl. Waxaana arrintaas kaa caawinaya Laanqeyrta Cas.

Waxaad Austria ka haysataa oggolaanshaha ilaalinta hoosaadka?

Waa inaad sugtaa 2 sano. Kadib ayaad qoyskaaga Austria keeni kartaa.

Weli ma dhammaan habraacaaga magangalyada?

Weli go’aan lagama gaarin codsigaaga. Hadda ma keeni kartid qoyskaaga Austria. Hadda ma xarayn kartid dacwadda mideynta qoysaska.